Misir və Almaniyadan olan alimlər Menkaure Piramidasında gizli boşluqlar aşkar ediblər. Onlar hesab edirlər ki, onlar gizli giriş ola bilər.
Elchi.az xəbər verir ki, bu barədə “Dailymail” məlumat verib.
Münhen Texniki Universitetinin (TUM) professoru Kristian Qross bildirib: “Başqa bir girişin fərziyyəsi olduqca inandırıcıdır və bu nəticələr bizi onun təsdiqinə əhəmiyyətli dərəcədə yaxınlaşdırır. “İşləyib hazırladığımız tədqiqat metodologiyası bizə piramidanın daxili strukturunun təbiəti haqqında çox dəqiq nəticələr çıxarmağa imkan verir”.
Qahirə Universitetinin TUM ilə birgə həyata keçirdiyi beynəlxalq ScanPyramids layihəsi çərçivəsində Menkaure piramidasının şərq tərəfində əvvəllər naməlum olan iki hava dolu boşluq aşkar edilib.
Menkaure piramidası təxminən 4500 il əvvəl Misirdə inşa edilmişdir. Onun hündürlüyü təqribən 200 fut (61 m)-dir. Bu, məşhur Giza kompleksinin üç əsas piramidasından ən kiçiyidir. Bu tarixi bina Dördüncü Misir sülaləsinin hökmdarı Kral Menkaurenin məzarı kimi ucaldılıb, onun sarkofaqı hələ də aşkar olunmayıb.
Məryəm
