Tural Balabəyli yanvar ayında Vətənə xidmətə yollanacaq. Elchi.az gənc şairə əsgər adını həmişə uca tutmağı arzulayır və onun “Get əsgərim…” şeirini oxuculara təqdim edir.
Döyüşə getmək istəyirsən?
Get əsgərim…
Get…
Məndən nigaran qalma-
bətnimdəki
oğlumuz məni qoruyacaq.
Get…
Yolun açıq olsun.
Getmə deyə bilmərəm- get…
Ağlamıram…
Bax, gülürəm-
əsgərim…
Get…
Yolunu gözləyəcəm.
Bilirsən harda?
Məni ilk öpdüyün ağacın altında gözləyəcəm…
Gecikmə görüşə;
tez gəl…
Tez gəl əsgərim…
Yatağımızdakı yastığın boş qalmayacaq
sən gələnə qədər…
Sənin gəlişindən qabaq
oğlumuz gələcək dünyaya,
başını atacaq balışına
yerin boş qalmasın deyə
yanımda.
Get…
Yolun açıq olsun…
Son şərhlər