Elchi.az xəbər verir ki, G7 ölkələrinin xarici işlər nazirləri və Avropa İttifaqının (Aİ) ali nümayəndəsi Şimali Koreyanın ballistik raket texnologiyasından istifadə edərək orbitə peyk çıxarmaq cəhdini kəskin şəkildə pisləyib.
“Biz Şimali Koreyanın ballistik raket texnologiyasından istifadə edərək sınağını qətiyyətlə pisləyirik”, – G7 xarici işlər nazirləri və Aİ ali nümayəndəsinin birgə bəyanatında deyilir.
Sözügedən sınağın Birləşmiş Millətlər Təşkilatının Təhlükəsizlik Şurasının (BMT TŞ) müvafiq qətnamələrinin pozulması olduğuna diqqət çəkilərək, bu sınağın “regional və beynəlxalq sülh və sabitliyə təhdid” olduğu bildirilib.
Açıqlamada Şimali Koreyanın beynəlxalq ictimaiyyətin çağırışlarına baxmayaraq raket sınaqlarını davam etdirdiyi vurğulanıb və əlavə edilib: “Şimali Koreyanı bir daha kütləvi qırğın hücumlarından, ballistik raket proqramlarından və nüvə silahlarından tamamilə, təsdiqedici və dönməz şəkildə imtina etməyə dəvət edirik.”
Şayəstə Hüseynova
