Oktyabrın 1-dən Gənclərin III Ümumrespublika Teatr Festivalına start veriləcək. Festivalın keçirilməsinin əsas
məqsədi gənclərdə teatra olan marağı artırmaq, istedadlı gəncləri teatra cəlb etməkdir. Festivalın ideya müəllifi millət vəkili Jalə Əliyevadır. Festival çərçivəsində iştirakçılar möhtəşəm ART – kampında iştirak edəcək, ölkənin ən tanınmış incəsənət və mədəniyyət xadimlərinin ustad dərsləri alacaqlar.
Ssenari seçimi və rejissor, aktyor heyətinin formalaşdırılması üçün iştirak blankı əldə etmək istəyənlər info@asa.edu.az elektron ünvanına müraciət edə bilər, (070) 3993639, (012) 4304367 telefonları ilə əlaqə saxlaya bilərlər. Qeydiyyat oktyabrın 1-dən başlayaraq bir ay davam edəcək.
Yerlər məhduddur! Yalnız 12 komanda (tərkibində maksimum 10 iştirakçı ola bilər) iştirak üçün təsdiq ediləcək. I yerin qalibinə 3000 manat, II yerin qalibinə 2000 manat, III yerin qalibinə isə 1000 manat pul mükafatı veriləcək.
Qeyd edək ki, Gənclərin Ümumrespublika Teatr Festivalına 2 il ərzində 250-ə yaxın istedadlı, yaradıcı gənc qoşulub. Festivalın informasiya dəstəyi Lent.az xəbər portalıdır.
Gənclərin III Ümumrespublika Teatr Festivalının mətbuat xidməti
Son şərhlər