Rusiya xüsusi xidmət orqanlarının bir sıra nümayəndələri Baş Qərargah rəisi Valeri Gerasimov və müdafiə naziri Sergey Şoyqunun istefaya göndərilməsinin tərəfdarıdırlar.
Elchi.az xəbər verir ki, bu barədə “Blumberq” mənbələrinə istinadla məlumat yayıb.
Mənbənin sözlərinə görə, FTX-dəki bəzi sərt xətt tərəfdarları ölkənin hərbi rəhbərliyində dəyişiklikdə israr edən “Vaqner” rəhbəri Yevgeni Priqojinin tələblərini dəstəkləyib.
Hətta onların Ukraynada daha aqresiv müharibə aparmağı, ölkədə hərbi vəziyyət və irimiqyaslı səfərbərlik elan edilməsini istəyirlər.
“Lakin hazırda Kremlin Şoyqu və Gerasimovu vəzifələrindən uzaqlaşdırmağa hazırlaşdığına dair heç bir əlamət yoxdur. Əksinə, hakimiyyət ölkənin hərbi rəhbərliyini tənqid edənləri cəzalandırır. “Vaqner” qiyamından sonra Priqojinə yaxın olan general-polkovnik Sergey Surovikin dindirildi və yoxa çıxdı”, – nəşr bildirib.
Zaxarova: Ukrayna müstəqilliyini və mədəniyyətini itirib
Zaxarova: Ukraynada mədəniyyətin məhv edilməsini gizlətmək üçün simvollardan istifadə olunurdu. Elchi.az xəbər verir ki, Ukraynalı siyasətçilər ölkənin mədəniyyətinin məhv edilməsini...
Son şərhlər