Fransada həmkarlar ittifaqlarının çağırışı ilə Fransa dəmir yolu şirkətinin işçiləri 15-18 fevral tarixləri arasında tətil edəcək.
Elchi.az xəbər verir ki, Fransada Sud Rail və CGT həmkarlar ittifaqları dəmiryolçularının iş şəraitinin yaxşılaşdırılması, maaşlarının artırılması və erkən pensiyaya çıxması tələbi ilə tətilə çağırıblar.
Həmkarlar ittifaqları 3 günlük tətildə iştirak nisbətinin yüzdə 70-90 olacağını təxmin edir.
FO Cheminots həmkarlar ittifaqının katibi Daniel Ferte sıx iş saatlarından şikayət edərək bildirdi ki, Fransa dəmir yolu şirkəti (SNCF) hər qatara 2 işçi söz verib, lakin bu, bütün səfərlərdə həyata keçirilməyib.
Ferte hər gün dəyişən nizamsız iş saatları ilə yanaşı, həftə sonları və bayram günlərində işləməkdən də məmnun olmadıqlarını bildirib.
Fransanın baş naziri Qabriel Attal açıqlamasında, fransızların tətilin “haqq” olduğunu, lakin işləməyin də “məsuliyyət” olduğunu bildiyini vurğulayaraq, ölkədə demək olar ki, hər tətil mövsümündə tətil edən dəmiryol işçilərinin münasibətinə doğru “Adətə çevrilən tətillərin şirkətin reputasiyasına xələl gətirdiyini” qiymətləndirib.
Fransızlar qış tətilinə təsadüf edən tətil zamanı xidmətlərin pozulmasından narahat olsalar da, SNCF hər iki sürətli qatardan birini idarə etməyi hədəflədiklərini açıqlayıb.
Şayəstə Hüseynova
Son şərhlər