Almaniyanın “Almaniya üçün Alternativ” (AfD) partiyasını qadağan etmək cəhdləri diktaturaya aparan yoldur.
Elchi.az xəbər verir ki, bu barədə Fransanın sağçı “Vətənpərvərlər” (Les Patriotes) partiyasının lideri Florian Filippo “X” sosial şəbəkəsində bildirib.
“Bu, diktaturadır! Milli suverenliyi müdafiə edən, Rusiya ilə müharibəyə, həmçinin senzura və COVID dövrünün siyasətlərinə qarşı çıxan siyasi qüvvə – ‘Almaniya üçün Alternativ’ partiyası ‘demokratiyanı xilas etmək’ adı altında qadağan edilmək üzrədir!” – deyə siyasətçi vurğulayıb.
Filipponun fikrincə, bu cür təşəbbüslər Fransada da müşahidə olunan “Avro-faşizm” meylinin güclənməsindən xəbər verir. O, qeyd edib ki, AfD-nin sorğulardakı uğurları Almaniyanın hakim dairələrini təşvişə salıb.
Daha əvvəl Avropa İttifaqı daxilində, AfD-nin də üzv olduğu “Suveren Millətlər Avropası” (ESN) adlı ümumavropa partiyasının fəaliyyətinin qadağan edilməsi ilə nəticələnə biləcək bir araşdırmaya başlanılıb.
Yeganə
