Finlandiyanın baş naziri Sanna Marin NATO-ya üzvlüklə bağlı Finlandiyanın heç bir probleminin olmadığını deyib.
Elchi.az xarici mediaya istinadən bildirir ki, Marin bu barədə Dünya İqtisadi Forumu (WEF) çərçivəsində xüsusi sessiyada məruzəçi kimi iştirak edib.
WEF-ə 3 il əvvəl qatıldığını xatırladan Marin, son 3 ildə Rusiya-Ukrayna müharibəsi, enerji böhranı kimi bir çox böhranın yaşandığını və bu böhranlara qarşı mübarizə aparıldığını bildirib.
Rusiya-Ukrayna müharibəsinin bütün dünyaya təsir etdiyini deyən Marin, “Bu gün dünya 3 il əvvəlkindən çox fərqli bir yerdir”,-deyə vurğulayıb.
“Başqa ölkələrə hücum etməyin heç bir faydası yoxdur”
Rusiyanın Ukraynaya qarşı müharibədə məğlub olmasının lazımlığını vurğulayan, Ukrraynanın Rusiyanı öz torpaqlarından çıxarmasının həm Ukraynanın, həm də digər ölkələrin azadlığı üçün əhəmiyyətli olduğunu izah edən Marin qeyd edib:
“Rusiya başqa ölkələrə hücum etməklə heç bir fayda əldə edə bilməz”.
Ölkəsinin və İsveçin NATO-ya üzvlük prosesinə toxunan Marin NATO-nun öz qaydalarına malik olduğunu və ölkələrin onlara əməl etmədikcə üzv ola bilməyəcəyini qeyd edib.
“Ümid edirəm ki, Finlandiya və İsveçin NATO-ya üzvlük prosesi mümkün qədər tez irəliləyəcək”, – deyə Marin bildirib.
Yeganə
Son şərhlər