Filippindəki Kanlaon vulkanında və Taal vulkanının əsas kraterində püskürmələr baş verib, Taalda vulkan külü və tüstü buludu 300 metr hündürlüyə çatıb.
Elchi.az xəbər verir ki, Filippin Vulkanologiya və Seysmologiya İnstitutu (PHIVOLCS-DOST) ölkədəki Kanlaon vulkanında və Taal vulkanının əsas kraterində vulkan aktivliyini elan edib. PHIVOLCS-DOST-un açıqlamasına görə, Kanlaon vulkanı yerli vaxtla saat 06:24 ilə 06:29 arasında kül püskürüb. Yaranan vulkan külü və tüstü buludu 1200 metr hündürlüyə çatıb və dağın gecə yarısından bəri cəmi 4 dəfə kül püskürdüyü qeyd edilib. Kanlaon vulkanı üçün 2-ci səviyyəli təhlükəsizlik xəbərdarlığının qüvvədə qaldığı bildirilib. Yerli vaxtla saat 10:20 ilə 10:22 arasında Taal dağının əsas kraterində püskürmə baş verib. Vulkanik kül və tüstü buludunun 300 metr hündürlüyə çatdığı bildirilir. Taal dağı üçün 1-ci səviyyəli təhlükəsizlik xəbərdarlığı qüvvədə qalır. Hər iki təbii hadisə PHIVOLCS-DOST kameraları tərəfindən anbaan qeydə alınıb.
Şayəstə
