“Azərbaycanın cəmiyyət və dövlət olaraq gələcək modeli ilə bağlı iki məşhur istiqamət var. 
Bunlardan biri Məmməd Əmin Rəsulzadənin “Əsrimizin Siyavuşu” digər isə Əbülfəz Elçibəyin “Bütöv Azərbaycan yolunda” əsərlərinin ideya xəttidir”.
Hafta.az-ın məlumatına görə, bu fikri millət vəkili Fazil Mustafa sosial şəbəkədə yazıb. O bildirib ki, hər iki ideya gerçəyə çevrilməyib:
“Fikrimcə, hər ikisinin də ideyadan gerçəyə çevrilməsi imkanları ortadan qalxmışdır. Bu məsələlərlə bağlı yeni kitabımda müəyyən tezislər versəm də, ancaq ayrıca tənqidi mətn hazırlamağı düşünürəm. Yəni dəyişən zaman şərtlərində bir çox dəyərli şəxsiyyətlərimizin görüşlərini yaxşı niyyətlə təftiş etməyə ehtiyac var. Hər şeydən öncə bizi Azərbaycan dövlətinin gələcəkdəki real və sabit modelinin dəqiq müəyyənləşdirilməsi düşündürməlidir”.
Qeyd edək ki, Fazil Mustafa Azərbaycan tarixinə həsr olunan yeni kitabı üzərində işləyir.
Son şərhlər