Misir prezidenti Əbdülfəttah əs-Sisi müstəqil Fələstin Dövləti olmadan Yaxın Şərqdə sülhün əldə edilməyəcəyini vurğulayıb.
Elchi.az xəbər verir ki, Misir prezidenti Əbdülfəttah əs-Sisi 1973-cü ilin oktyabrında ölkəsinin və Suriyanın İsrailə qarşı apardığı Yom Kippur müharibəsinin 52-ci ildönümü ilə bağlı açıqlama verib.
Misir prezidenti 6 oktyabr tarixini “böyük qələbə” günü kimi qiymətləndirərək, dünyanın misirlilərin əzm və iradəsinə, ərəblərin bütövlüyünə hörmətlə yanaşdığı bir gün olduğunu bildirib.
Sisi Misir və İsrailin müharibələr və şiddətli hərbi münaqişələr yaşadıqlarını və bunun əvəzini ağır ödədiklərini bildirib. O, Misirin o zamankı prezidenti Ənvər Sədatın uzaqgörənliyi, İsrail hökumətinin sağlam düşüncəsi və ABŞ-ın vasitəçiliyi olmasaydı, bu düşmənçiliyin davam edəcəyini bildirdi. Sisi qeyd edib ki, ölkəsinin İsraillə sülhyaratma təcrübəsi həqiqi sülhün qurulmasında təqlid ediləcək tarixi bir modeldir.
“Yaxın Şərqdə sülh müstəqil Fələstin dövlətinin yaradılması ilə mümkün olacaq”
Misir prezidenti bəyan edib ki, “Yaxın Şərqdə əsl sülh yalnız beynəlxalq qanuniliyə uyğun gələn və onun qanuni sahiblərinin hüquqlarını bərpa edən müstəqil Fələstin Dövlətinin yaradılması ilə mümkün olacaq”. ABŞ prezidenti Donald Trampın Qəzza planını tərifləyən Sisi, bu planın “Qəzza zolağında iki illik soyqırım, qırğın və dağıntılardan sonra atəşkəsin yaradılmasına xidmət etdiyini” bildirib.
ABŞ-ın qurduğu sülh sisteminin qorunub saxlanmasının vacibliyini vurğulayan Sisi, bu sistemin regional sabitlik üçün strateji bir çərçivə təşkil etdiyini ifadə edərək, bu sülh sisteminin ancaq ədalət əsasında təməllərini gücləndirməklə və region xalqlarının hüquqlarının təmin edilməsi ilə genişləndirilə biləcəyini bildirib.
Fələstin dövlətinin tanınması ilə bağlı qərarlar
Lüksemburq, Belçika, Andorra, Fransa, Malta, Monako və San Marino, Fransa və Səudiyyə Ərəbistanının rəhbərliyi ilə Birləşmiş Millətlər Təşkilatı (BMT) çərçivəsində təşkil olunan Fələstin Probleminə Həll Yolunun Tapılması və İki Dövlətli Həllin Həyata keçirilməsi üzrə Yüksək Səviyyəli Beynəlxalq Konfransda Fələstin Dövlətini tanıdıqlarını elan etdilər.
Kanadanın baş naziri Mark Karni, Avstraliyanın baş naziri Entoni Albanese, Böyük Britaniyanın baş naziri Keir Starmer və Portuqaliyanın xarici işlər naziri Paulo Rangel də Fələstin dövlətini tanıdıqlarını bəyan ediblər. Yasir Ərəfat 1988-ci ildə yarandığını elan etdiyi vaxtdan bəri Fələstin Dövlətini tanıyan BMT-yə üzv ölkələrin sayı 193-dən 157-yə yüksəlib. BMT üzvü olmayan Vatikan da Fələstin Dövlətini tanıyır.
Nuranə Məmmədova
Çox doğru deyilib, Fələstin olmadan Yaxın Şərqdə heç vaxt əsl sülh olmayacaq. Prezident Sisi yaxşı bildirdi ki, hər şey Fələstin dövlətinin yaradılmasından asılıdır. Bu məsələ çox vacibdir, ümid edək ki, bu tezliklə həll olar.
Məqalə çox dəyərlidi, əs-Sisi də düz deyir. Fələstinsiz heç vaxt Yaxın Şərqdə sülh olmayacaq, bu çox aydındı. Qardaşlarımızın hüquqları tapdanır, bu belə davam edə bilməz. Ümid edək ki, tezliklə bu məsələ həll olunar.