Ermənistan ordusunda əsgərlərin ehtiyata buraxılması dayandırılıb.
ANS press-in məlumatına görə, bu barədə erməni mətbuatı yazır.
Xəbərdə bildirilir ki, 2012-ci ilin noyabr-dekabr aylarında həqiqi hərbi xidmətə çağırılanlar xidmət müddətini başa vursalar da, ordudan ehtiyata buraxılmayıblar. Bu isə həmin əsgərlərin ailələrində narazılıqlara səbəb olub.
Onların sözlərinə görə, orduda əsgərlərin ehtiyata buraxılmasının səbəbi onları əvəz edəcək yeni çağırışçıların sayındakı çatışmazlıqlardır. Bundan başqa, əhali qorxuya düşüb ki, ordu yeni müharibəyə hazırlaşır. Ona görə də gənc ermənilər orduya getməkdən çəkinirlər. Məhz bu da yeni çağırışçılarla bağlı çatışmazlıqlar yaradıb. Orduda xidmət edənlər də ehtiyata buraxılmaq istəyirlər.
Məsələ ilə bağlı Ermənistan Müdafiə Nazirliyi də açıqlama yayıb. Nazirliyin mətbuat xidmətinin rəhbəri Artsrun Ovanisyan bildirib ki, əsgərlərin ehtiyata buraxılmasının dayandırılmasının səbəbi yeni çağırışçıların sayında olan çatışmazlıqlarla bağlı deyil: “Həqiqi hərbi xidmət müddətini başa vurmuş əsgərlər bir-iki həftəyə evə buraxılacaqlar”.
Son şərhlər