“Azərbaycanın Ermənistana sülh müqaviləsi üçün təklif etdiyi beş şərt əslində taktiki gedişdir. Bu şərtlər dünya birliyi tərəfindən qəbul edilmiş, tək iki dövlət üçün yox, bütün dövlətlərin qəbul etdiyi şərtlərdir və məlumdur ki, normal halda bundan başqasına heç bir dövlət iddia etmir”.
Bu fikirləri Elchi.az-a açıqlamasında BAXCP sədrinin müşaviri, politoloq Azər Qasımov bildirib.
“Azərbaycan danışıqları beynəlxalq qanunlar istiqamətinə yönəltməklə bir çox hallarda işləməyən bu qanunları ən azı Azərbaycan-Ermənistan münasibətlərində işləməsini təmin etməyə çalışır. Məqsəd bundan sonrakı prosesləri qarantiya altına almaqdır. Əgər beynəlxalq qanunlar bu mıəsələdə işləyəcəksə, onda sonrakı prosesdə də işləməsi mütləq olmalıdır. Bu proses isə Azərbaycana işğal zamanı vurulan maddi və mənəvi zərər, bunun müqabilində isə təzminat tələbidir. İndinin özündə belə Polşa Almaniyadan ll Dünya müharibəsində vurduğu ziyana görə təzminat tələb edir.
Ermənistanın bu tələbi yerinə yetirmək imkanının olub-olmaması isə ayrı mövzudur. Azərbaycan bu ziyanı torpaq tələbi ilə kompensasiya edə bilər. Bu, beynəlxalq praktikada olmuş haldır. Ermənistan isə bu tələbə məcbur əməl etməlidir. Azərbaycan üçün təzminat məsələsini beynəlxalq məhkəmədə iddiaçı kimi udmaq asan məsələdir, faktlar göz önündədir. Ermənistan da bunu bilir. Təzminat məsələsi isə iki ölkənin razılığı və beynəlxalq müşahidəçilərin iştirakı ilə baş tutmalıdır. Ermənistanın təbii ki, torpaq vermək kimi istəyi olmayacaq, amma ödəyəcəyi məbləğ qarşısında onsuz da zəif olan erməni dövlətçiliyi ya yox olmalıdır, ya da torpaq verməklə canını qurtarıb mövcudluğunu sürdürməlidir”.
Yeganə
Son şərhlər