Ermənistanda vəziyyət qarışdı: Prezident baş nazirin əleyhinə çağırış etdi…

Moderator.az Ermənistan mətbuatına istinadən xəbər verir ki, İrəvanda həyəcanlı siyasi vəziyyət yaranıb. 
Baş nazir Paşinyan özünün Feysbuk səhifəsində tərəfdarlarına müraciət edərək bu gün-mayın 20-də saat 8.30-da istisnasız olaraq bütün məhkəmə binalarının giriş və çıxışını bağlamağa çağırıb və “inqilabın ikinci əsas fazası başlayır” – yazıb.
Bu çağırışdan sonra xarici səfərdə olan Ermənistam prezidenti Armen Sarkisyan vətəndaşlara təcili müraciətlə çıxış edib. Sarkisyan Ermənistanda yaranmış situasiyanı şərh edib.
“Ermənistan konstitusiyasına əsasən hakimiyyət xalqa məxsusdur. Ermənistanın bütün hakimiyyət qanadları- icraedici, qanunverici və məhkəmə sistemi erməni xalqının kollektiv iradəsini əks etdirir”-müraciətdə deyilir.
Prezident Ermənistan vətəndaşlarını tutduğu vəzifədən və siyasi mənsubiyyətindən asılı olmayaraq sakitliyə riayət etməyə çağırıb.
Ermənistan vəkillər palatası da bəyanatla çıxış edib: Məhkəmə orqanlarının müstəqilliyi təhlükədədir.