“Dünyada böyük zəlzələlər və fəlakətlər olan zaman hətta gərgin münasibətdə olan ölkələr bir-birinə yardım edirlər. Bunu qardaş ölkədə olan son zələzələ də bir daha sübut etdi və Türkiyə ilə heç də xoş münasibətdə olmayan Yunanıstan və Ermənistan öz köməklərini göstərdilər”.Bu sözləri siyasi ekspert Vüqar Əhmədov Elchi.az saytına açıqlamasında vurğulayıb.
O həmçinin qeyd edir :”1988-ci ildə də Ermənistanda zəlzələ olarkən Türkiyə öz yardımını Ermənistana göstərmişdir. Təəssüf ki, Ermənistan cəmiyyətində hələ də bu yardıma birmənalı yanaşmayanlar var, amma bu tarixin bir sınağıdır, bunu edənlər ilk növbədə özlərinə qarşı çıxmış olurlar. Fikir versək regionda iki dövlət var ki, bunlar hətta ən dəhşətli fəlakətlərdə öz çirkin siyasətlərindən əl çəkmirlər, bu ölkələr İran və Ermənistandır”.
Ekspert həmçinin İranın Xoy şəhərində baş verən zəlzələ nəticəsində Azərbaycan və Türkiyə kömək əlini uzatsa da, İran buna imkan vermədiyini bildirib.
” İndi Ermənistan cəmiyyətində bu fəlakətdən spekulasiya etməyə çalışırlar. Lakin rəsmi Ankaranın bu yardımları qəbul etməsini mən doğru hesab edirəm və düşünürəm ki, bu addımlar gələcəkdə regionda münasibətlərin normallaşması və sülh prosesinə öz müsbət təsirini göstərəcək”.
Havar Şəfiyeva
Son şərhlər