Lavrov Gümrü faciəsinin siyasiləşdirilməsinin əleyhinə olduğunu bildirib
“Gümrü şəhərində baş vermiş faciəni siyasiləşdirmək cəhdləri yolverilməzdir”.
ANS PRESS-in məlumatına görə, bunu Rusiyanın xarici işlər naziri Sergey Lavrov bildirib.
O deyib ki, biz indi bu vəziyyətin siyasiləşdirilməsi cəhdlərini görürük. Belə cəhdlər təkcə Ermənistanda deyil, Rusiyada da edilir. Bunu arzulayanlar bu faciədən sui-istifadə edərək hansısa geosiyasi üstünlüklər qazanmaq istəyirlər. Bu iyrəncdir, bu, yolverilməzdir.
Rusiyanın XİN rəhbəri deyib: “Biz hər şey edəcəyik ki, bu cinayət cəzasız qalmasın, günahkar ən sərt cəzanı çəksin. Nə lazımdır edəcəyik ki, bundan sonra oxşar hadisələr təkrarlanmasın. Əminəm ki, yaranmış vəziyyətdən Rusiya-Ermənistan münasibətləri zərər çəkməyəcək.”
Xatırladaq ki, yanvarın 12-də Gümrüdə Avetisyan ailəsinin altı üzvü Rusiyanın Ermənistandakı 102-ci hərbi bazasının hərbçisi Valeri Permyakovun tərəfindən güllələnərək öldürülüb.
ANS PRESS
