“Cinayət işi hüquq-mühafizə orqanlarının diqqət mərkəzindədir”
Ermənistanın baş naziri Karen Karapetyan Azərbaycan almaları ilə məşğul olmaq nyyətində deyil.
İstiPress-in erməni KİV-nə istinadən verdiyi məlumata görə, Karen Karapetyan jurnalistlərə açıqlamasında deyib ki, məsələdən xəbəri və Baş Prokurorluq tərəfindən cinayət işi açılıb.
Jurnalistlər sual verib ki, Azərbaycan almalarının Ermənistan bazarlarında peyda olması baş nazirin diqqət mərkəzindədir, ya yox.
“Cinayət işi hüquq-mühafizə orqanlarının diqqət mərkəzindədir. Təsəvvür edirsiniz ki, mən 300 kq alma ilə məşğul olum?”, – deyə Karen Karapetyan bildirib.
Görünür, Ermənistanda “zəlzələ effekti” verən Azərbaycan almaları prezident Serj Sarkisyanı, o da olmasa BMT-ni dərindən narahat edir.
İrəvan bazarlarından birində Azərbaycanın Quba rayonunda fəaliyyət göstərən “DAD Fruits” şirkətinin bağlarının məhsulu olan almaların satışı Ermənistanda “bomba effekti” yaradıb və bütün müvafiq dövlət strukturları, mətbuat Azərbaycan almalarının izinə düşüb.
Məlum olub ki, Azərbaycan almalarının Ermənistan bazarlarında satışı yeni deyilmiş və əslində “DAD” almaları İrəvanın əksər bazarlarında, supermarketlərində satılırmış.
Dövlət strukturları bu məsələyə isterik reaksiya veriblər və tələm-tələsik Azərbaycan almalarını hansı yolla ölkəyə daxil olduğunu araşdırmağa başlayıblar, habelə meyvəni bazarlardan yığışdırıb məhv etməyə çalışıblar.
Son şərhlər