Yanvarın 15-i gecə saatlarına qədər Rusiyanın Yerevandakı səfirliyi qarşısında bəzən zorakılıqlarla müşayiət olunan kütləvi etiraz aksiyası keçirilib. Aksiyalar Gümrü şəhərində Rusiya hərbi bazasının yaxınlığında və şəhərdə bir neçə inzibati binanın yaxınlığında da keçirilib. Aksiyaçılar Gümrüdə bir ailənin 6 üzvünün qətlində ittiham olunan Rusiya əsgəri Valeriy Permyakovun Yerevana verilməsini tələb edirlər. Polislə aksiyaçılar arasında toqquşmalarda yaralılar və saxlananlar var. Gümrüdəki xəstəxanadan AzadlıqRadiosuna deyiblər ki, qarşıdurmada yaralanmış 10 mülki şəxs, 14 də polis əməkdaşı tibbi yardım üçün onlara müraciət edib. Əsgərin öldürdüyü ailə üzvlərinin dəfn mərasimi və etiraz aksiyası zamanı çəkilən bəzi fotoları təqdim edirik
