Twitter sosial media platformasının yeni sahibi Elon Mask qərarsız seçiciləri sabahkı aralıq seçkilərdə Respublikaçı namizədlərə səs verməyə çağırıb.
Elchi.az xəbər verir ki, bu barədə Mask Twitter hesabından sabah keçiriləcək Konqres ara seçkiləri ilə bağlı açıqlama verib.
Açıqlamasında qərarsız seçicilərə müraciət edən Mask, “Güc bölüşdürmə hər iki partiyanın ən pis tərəflərini kəsir, buna görə də prezidentliyin Demokratlar tərəfindən olduğunu nəzərə alaraq, Respublikaçılar Konqresinə səs verməyi təklif edirəm” dedi.
İfrat demokratların və ya respublikaçıların heç vaxt qarşı tərəfə səs verməyəcəyinə işarə edən Mask, “Buna görə də kimin vəzifəyə keçəcəyinə qərar verəcək qərarsız seçicilər olacaq” dedi.
Birləşmiş Ştatlar sabah 435 yerlik Nümayəndələr Palatasının tamamı və 100 yerlik Senatdakı 35 yer üçün seçkilərə gedəcək.
Tesla və SpaceX-in baş direktoru İlon Mask Twitter-i 44 milyard dollara satın alıb.
Şayəstə