Almaniyanın onilliklər boyu onu dünyanın ən böyük iqtisadiyyatlarından birinə çevirən rifahı sona çatmaq üzrədir.
Elchi.az xəbər verir ki, bu barədə İspaniyanın “El Pais” qəzeti analitiklərə istinadən yazır.
Beynəlxalq Valyuta Fondunun iyul ayında açıqladığı rəqəmlərə görə, Almaniyanın bu il artımı olmayan yeganə əsas iqtisadiyyat olacağı və ÜDM-in 0,3 faiz azalacağı gözlənilir.
Jurnalist Volfqanq Münchaunun fikrincə, alman modeli xərclərdə rəqabət qabiliyyətinə, sənayedə texnoloji liderliyə və geosiyasi sabitliyə əsaslanırdı ki, bunların hamısı keçmişdə qalıb.
Bu vəziyyət Almaniyanı “Avropanın yeni xəstə adamı” etdi.
Ölkə 2000-ci illərin əvvəllərindən bəri yüksək məşğulluq səviyyəsi və Çin kimi sürətlə inkişaf edən iqtisadiyyatların xarici tələbi ilə ardıcıl yüksək artım yaşadı.
İqtisadiyyatın əsas dayağı olan Almaniyanın istehsal sektoru 2003-cü ildən Rusiyadan gələn ucuz enerji və Şərqi Avropadan gələn ucuz işçi qüvvəsi sayəsində inkişaf edib.
Almaniyanın ixrac və idxaldan daha da asılı olacağı gözlənilir və son iki onillikdə uğur qazanmış sənayelər, yəni kimya və avtomobil sənayesi gələcəkdə eyni rolu oynamayacaq”, – deyə şirkətin direktoru Klemens Fuest bildirib.
Nuranə Məmmədova