Meksikanın Ekvadordakı səfirliyinin diplomatları Cənubi Amerika respublikasının polisinin diplomatik missiyaya hücumu zamanı yaralanıb. Elchi.az xəbər verir ki, bu barədə Meksikanın xarici işlər naziri Alisiya Barcena “X” sosial şəbəkəsində danışıb.
Diplomatik Münasibətlər haqqında Vyana Konvensiyasının kobud şəkildə pozulmasını və Ekvadorda meksikalı diplomatların aldığı xəsarətləri nəzərə alaraq, Meksika Ekvadorla diplomatik münasibətləri dərhal kəsdiyini elan edir”.
Barcenanın sözlərinə görə, diplomatlar Ekvadoru dərhal tərk edəcəklər. Bundan əlavə, Meksika Ekvadoru beynəlxalq hüququn pozulmasına görə qınamaq tələbi ilə Beynəlxalq Ədalət Məhkəməsinə müraciət edəcək, nazir yekunlaşdırıb.
Qeyd edək ki, bundan əvvəl Meksika prezidenti Andres Manuel Lopez Obrador Respublika Xarici İşlər Nazirliyinin rəhbərinə Ekvadorla diplomatik münasibətləri kəsməyi tapşırıb.
Havar Şəfiyeva