ABŞ hərbi analitiki Duqlas Makqreqor İsrailin Qəzzada quru əməliyyatının regional müharibəyə səbəb ola biləcəyinə diqqət çəkərək, Sünni Müsəlmanlar Alyansının faktiki lideri olan Ərdoğanın Türkiyəsinin İsrailin məhvi olacağını bildirib.
Elchi.az xəbər verir ki, ABŞ ordusunun təqaüdçü polkovniki və hərbi analitik Duqlas Makqreqor keçmiş amerikalı hüquqşünas Endryu Napolitanonun Qəzzadakı hadisələrlə bağlı suallarını cavablandırıb.
Makqreqorun qiymətləndirmələri belədir;
Bütün dünya kimi regionun digər ölkələri də İsraildən, Avropa isə bizdən bezib.
Demək istəyirəm ki, biz dünya müharibəsinin astanasındayıq. Anlamaq lazım olan budur. İsrail Qəzzaya quru əməliyyatına başlasa, arzulanan uğur əldə edilməyəcək. Amma yenə də istəkli görünürlər. İçəri girsələr, nəinki əsgər itirəcəklər, HƏMAS-ı tamamilə məhv edə bilməyəcəklər.
İranın çoxlu raketləri olsa da, İsrail müharibə olacağı təqdirdə İrana nüvə bombası göndərəcəyini açıq şəkildə bəyan edib, deyən Makqreqor prezident Ərdoğanın rəhbərlik etdiyi Türkiyənin “təhlükəsinə” diqqət çəkib.
Ərdoğanın dünyada sünni müsəlmanların faktiki lideri olduğunu vurğulayan Makqreqor deyib:
Türklərin İsraillə xoş xatirələri yoxdur. Cəmi bir neçə il əvvəl Qəzzaya kömək etməyə gedən gəmilər İsrail tərəfindən basqın edildi və mülki insanlar öldürüldü. Belə bir şey türklər arasında İsrailə dəstək və dostluq toxumu səpməyəcək. Pakistanlılar da türklərə çox yaxındırlar. Türklər istəsələr, İsrailə qarşı çəkindirmək üçün nüvə silahı verməyə hazırdırlar.
Bütün bu qeyd etdiyim şeylər İsrailin Qəzzaya girəcəyi təqdirdə qiyamət günü olacaq!
ABŞ havadan dəstək versə belə, bu kifayət etməyəcək. Hamımız bilirik ki, onlarla quruda və ya dənizdə döyüşmək üçün kifayət qədər əsgərimiz yoxdur.
Nuranə Məmmədova
Son şərhlər