Elchi.az “Haber Global”-a istinadən xəbər verir ki, Sotheby’s Hərrac Evi dünyanın ən qədim və tam İbranicə İncilinin 38,1 milyon dollara satıldığını açıqlayıb.
1100 illik əlyazma olan “Codex Sassoon” kimi tanınan İncil üçün ən yüksək qiymət təklifi ABŞ-ın Rumıniyadakı keçmiş səfiri və Amerika Yəhudi Komitəsinin sədri Alfred H. Moses olub. İncilin İsraildəki ANU Yəhudi Xalq Muzeyinin tərəfdarları adından alınaraq eyni muzeyə bağışlandığı, təklifin isə kitab və ya sənəd üçün indiyə qədər verilən ən yüksək rəqəmlərdən biri olduğu öyrənildi.
900-cü illərdə yazılmış Codex Sassoon öz adını, kitabı 1929-cu ildə alan və 20-ci əsr yəhudi və ibrani əlyazmalarının ən mühüm kolleksiyaçılarından biri olan David Solomon Sassoon-dan alır. Kitabın yəhudi şifahi ənənəsi ilə müasir İbrani İncilləri arasında körpü rolunu oynadığı üçün əhəmiyyətli olduğu deyilir. Codex Sassoon həm də İbrani İncilinin sərt üzlü əlyazması olan “Hələb Kodeksi” və İvrit İncilinin ən qədim tam əlyazmalarından biri olan “Leninqrad Kodeksi”ndən daha qədim olduğu bilinir.
Nuranə Məmmədova
Son şərhlər