Meteorologiya mütəxəssisləri son onilliyin ən güclü El Nino hava hadisəsinin 2026-cı ilin sonlarına doğru baş verəcəyini proqnozlaşdırıblar. May ayından etibarən təsirini göstərməsi gözlənilən bu təbii fenomen, Asiyada isti və quraq bir dövrə səbəb olmaqla yanaşı, Amerika və Avropanın bəzi yerlərində həddindən artıq yağışa səbəb olur.
Elchi.az xəbər verir ki, Ümumdünya Meteorologiya Təşkilatı (ÜMT) bildirib ki, Sakit Okeanın mərkəzi və şərq hissələrində dəniz səthinin temperaturu sürətlə yüksəlir və may-iyul ayları arasında El Nino şəraitinin yaranma ehtimalı olduqca yüksəkdir.
Regionlara görə gözlənilən təsirlər
El Nino-nun qlobal temperatur və yağıntı rejimini dəyişdirəcəyi gözlənilsə də, müxtəlif coğrafiyalarda aşağıdakı təsirlər proqnozlaşdırılır:
Asiya və Avstraliya: Hindistan və Avstraliyanın bəzi yerlərində artıq həddindən artıq isti və quraqlıq müşahidə olunub. Hindistanda musson yağışlarının son üç ildə ilk dəfə orta səviyyədən aşağı ola biləcəyi barədə xəbərdarlıq edilib.
Amerika: ABŞ-ın Orta Qərbində kənd təsərrüfatı üçün ideal şərait mövcud olsa da, məhsul yığımı mövsümündə həddindən artıq yağış riskinə qarşı ehtiyatlı olmaq tövsiyə olunur. Cənubi Amerikada həddindən artıq yağış soya və qarğıdalı məhsuluna mənfi təsir göstərə bilər. Avropa: Güclü yay yağışları qarğıdalı istehsalı üçün faydalı ola bilər, lakin buğda yığımının El Niño tam olaraq başlamazdan əvvəl başlaması gözlənilir.
Şayəstə
