Azərbaycan iqtisadiyyatı əvvəlki illərlə müqayisədə çətin günlərini yaşamaqdadır. Dünya bazarında neftin qiyməti Azərbaycanın dövlət büdcəsində proqnozlaşdırıldığından 2 dəfə ucuz qrymətə satılır. Və əlbəttə ki, bu da ölkənin gəlirlərinin azalması ilə nəticələnir. Dövlət başçısının bu yaxınlarda hökumət üzvləri ilə keçirdiyi müşavirədə verdiyi göstərişə əsasən qənat rejiminə keçməyin vacib olduğu vurğulanıb. Amma ölkənin iri investitsiya layihələrinin icrası dayandırılmayıb. Bütün layihələr icra edilməkdədir. Ölkənin iri iqtisadi investitsiya layihələrinin icrası ilə bağlı olaraq aparılan işlər əvvəlki qaydada davam etməkdədir. Bununla belə bu layihələrin icrasına nəzarət etməli olan, xüsusilə də ölkənin iqtisadi inkişafının tənzimlənməsində və onun davamlı olmasında birbaşa olaraq cavabdeh qurum olan İqtisadiyyat və Sənaye Nazirliyində neqativ məqamlar var.
GUNDEMİNFO.AZ-ın elektron poçtuna daxil olan məlumata əsasən hazırda ölkədə «Sənaye zona»larının yaradılması ilə bağlı dövlət proqramlarının icrasına rəsmən heç bir məhdudiyyət qoyulmasa da, nazirlikdəki bəzi «xüsusi status»lu adamlar bu layihələrin icrasının gözlənilən inkişaf tempi ilə davam etməsində maraqlı deyil. Elektron poçtumuza daxil olan məlummatda İqtisadiyyat və Sənaye Nazirliyinin Dövlət İnvesttitsiyaları şöbəsinin rəhbəri Kamal Hacıyevin gördüyü işlərin böyük qüsurlarla müşayyət edildiyindən bəhs olunur. Daxil olan məlumata əsasən nazir Şahin Mustafayevin yaxın qohumu olan Kamal Hacıyev nazirlikdaki bütün işlərin ağasıdır.
— Nazirliyin dəftərxana ləvazimatları alınmasından tutmuş, sahibkarlıq subyektlərində aparılan monitorinqlərinə qədər bütün işlərinə Kamal Hacıyev rəhbərlik edir. Onun «icazəsi» olmadan heç kim ən kiçik investitsiya proqramının belə icrasına başlaya bilməz, heç kim heç bir subyektdə yoxlama apara bilməz. Bunun üçün Kamal Hacıyevdən xüsusi izn almaq tələb olunur ki, bu «razılıq»ın da nəyə başa gəldiyini nazirliklə sıx əməkdaşlıq edən sahibkarlar yaxşı bilirlər. Nazirlikdə həyata keçirilən bütün kadr islahatlarına, kimin işdən çıxarılmasına, kimin işə cəlb edilməsinə də birbaşa olaraq Kamal Hacıyevin rəhbərlik etdiyi, «razılıq» verdiyi bildirilir — bu sözlər saytımızadaxil olan informasiyadandır.
Yeri gəlmişkən apardığımız araşdırmalar zamanı nazirliyin rəsmi saytında Kamal Hacıyevin heç bir yerdə adına rast gələ bilmədik. Hansı ki, adıçəkilən nazirliyin strateji idarəsi olan bu qurum birbaşa olaraq dövlətin investitsiya layihələrinin icrasına nazər edir. Məsələn artıq icrası başa çatmaqda olan 2008-2015-ci illərdə Azərbaycan Respublikasında yoxsulluğun azaldılması və davamlı İnkişaf Dövlət Proqramının icrası ilə bağlı heç bir müfəssəl bilgi əldə etmək mümkün olmur. Eyni zamanda 2008-2015-ci illərdə Azərbaycan Respublikasında əhalinin ərzaqn məhsulları ilə etibarlı təminatına dair Dövlət Proqramının yekun nəticələri, əldə edilmiş uğurlar barədə nazirliyin rəsmi saytında heç bir bilgi əldə etmək mümkün deyil. Bizə müraciət edən mənbə bildirir ki, bu layihələrinicrasına dair yekun hesabatlara cavabdeh olan şəxs məhz Kamal Hacıyev olsa da, göründüyü kimi nəticə ortada deyil.
Çox maraqlıdır ki, iqtisadiyyat və sənaye naziri Şahin Mustafayevin yeznəsi olan Müşfiq Həsənov da Kamal Hacıyevin ən yaxın adamlarından biri hesab olunur. Məhz onun imkanlarının genişlənməsində nazirlikdə külli ixtiyar sahibi olmasında Müşfiq Həsənovun müim rolu var.
Qeyd edək ki, Azərbaycan ərazisində xüsusi iqtisadi zonaların yaradılması, Sahibkarlığa Kömək Milli Fondunun xətti ilə ayrılan dövlət vəsaitlərinin hazırda icra edilməkdə olan dövlət proqramlaprına müvafiq olaraq istifadəsinə dair araşdırmalarımızı da yaxın günlərdə təqdim edəcəyik. Yazılanlarla bağlı olaraq qarşı tərəfin də mövqeyini öyrənməyə hazırıq.
