İyulun 1-nə Azərbaycanın xarici dövlət borcu portfelinin 43,6 faizi hökumət adından çıxış edən Maliyyə Nazirliyi tərəfindən, 56,4 faizi isə digər icraçı qurumlar tərəfindən dövlət zəmanəti ilə götürülmüş borclardan ibarət olub.
Elchi.az Maliyyə Nazirliyinə istinadən xəbər verir ki, ümumi məbləği 4 milyard 616,8 milyon ABŞ dolları təşkil edən xarici borcun 2 milyard 13,7 milyon dolları Maliyyə Nazirliyinin, 774,6 milyon dolları Azərbaycan Avtomobil Yolları Dövlət Agentliyinin payına düşüb.
Xarici borcun 751 milyon dolları “Azərbaycan Dəmir Yolları” QSC-nin, 548,2 milyon dolları Dövlət Su Ehtiyatları Agentliyinin, 190,4 milyon dolları Naxçıvan Muxtar Respublikası Dövlət Su Ehtiyatları Agentliyinin, 105,2 milyon dolları Kənd Təsərrüfatı Nazirliyinin, 233,7 milyon dolları digər dövlət qurumlarının götürdüyü borclardır.
