“Doktor Parnasın xəyalları” və “On iki meymun” filmlərindən tanınan Britaniya kinorejissoru Terri Gilliam “Don Kixotu öldürən adam” filminin çəkilişlərinə başlandığını bildirib. Gilliamıın sözlərinə görə, filmin çəkilişi üçün lazımi maliyyə vəsaitini əldə ediblər, odur ki, Miladdan dərhal sonra çəkilişlərin aktiv mərhələsinə keçiləcək.
Axar.az xəbər verir ki, “Don Kixotu öldürən adam” filminin çəkilişlərinə hazırlıq zamanı Gilliam ssenarinin əsas hissəsini dəyişdirib: “Mən bir neçə dəfə çəkilişlərə başlayıb bitirmişəm və yalnız filmi hazır görəndə onun varlığına inanacağam”.
O, XXI əsrdən XVII əsr İspaniyasına düşən və burada Servantesin personajı Don Kixotla rastlaşan reklam agentini filmin baş qəhrəmanına çevirib. Düşdüyü yerdə onu Sanço Panso kimi tanıyırlar və qəhrəmanın inanılmaz üsullarla canını qurtardığı macəralara sürükləyirlər.
Rejissor filmdə reflektiv səhnələr təqdim olunacağını və bu səhnələrdə də Servantesin romanının ab-havasının yaradıcılağını vəd edir. Əvvəlcə Sanço Pansonu Conni Depp, Don Kixotu isə Robert Düval oynamalı idi, lakin çəkiliş cədvəllərinin dəyişdirlməsi üzündən başqa aktyorlar dəvət ediləcək.