Dolların bahalaşması banklardan bu valyuta ilə kredit alanlarda ciddi təşviş yaratmışdı. Çünki, bu kredit ödəmələrində kifayət qədər artıq xərcin yaranması ilə bağlı idi. Artıq bəzi banklar dollarla kredit alan vətəndaşlara güzəştlərin tətbiqinə hazırlaşır. Yeni təkliflər araşdırılıb.
ANV.az xezerxeber.com-a istinaən xəbər verir ki, dollarla kredit götürüb ödənişəlrini də bu valyuta ilə edənlər üçün müəyyən problemlər yaranıb. çünki əksər insanlar kredit götürərkən aylıq ödəmə qabilyətlərini ölçüb biçdikdən sonra bu qərarı verirlər. indi isə ödədikləri məbləğin manatla ifadəsində təxminən 30 faiz fərq yaranır. bu isə onların aylıq büdcəsinə əlavə yükdür. elə buna görə də yeni təkliflər hazırlanıb. Artıq bəzi banklar dollarla kredit alan vətəndaşların aylıq ödənişlərini sabit saxlamaqla, ödəniş müddətini əlavə faiz olmadan uzatmağa qərar veriblər. Bu vətəndaşlar tərəfindən də sevinclə qarşılanıb…
Yəni dəyişiklik bundan ibarətdir ki, əgər banka hər ay 2 yüz dollar ödəməli olan vətəndaş öncədən 158 manat ödəyirdisə, yenə də eyni miqdarda pulu ödəməyə davam edəcək. Ancaq ödəniş müddəti 1 ildirsə, həmin pulu 15 aya ödəmək imkanı veriləcək…
Ekspertlər hesab edir ki, bu təklif sadəcə vətəndaşların yox həm də bankların xeyrinədir. çünki beləcə banklar problemli kreditlərin artmasının qarşısını ala bilərlər. digər bir maraqlı təklif isə faiz dərəcələri ilə bağlıdır.
Dollarla kredit götürənlər üçün başqa bir güzəşt isə kreditin ödənişində ortaq məzənnənin tətbiqidir. Yəni dolların artan məzənnəsinin ödənişi burda bankla vətəndaş arasında yarı bölünür.
Bu proses banklara imtahan mahiyyətindədir. belə ki müştərilərini daha çox nəzərə alan bank etimad baxımından gələcək dövrdə rəqiblərindən bir addım öndə olacaqlar.
Son şərhlər