İngiltərəli elm adamları Mərakeşdə tapdıqları skelet qalıqlarının təxminən 66 milyon il əvvəl okeanda yaşamış yeni dəniz kərtənkələ növünə aid olduğunu müəyyən ediblər.
Elchi.az BBC-yə istinadən xəbər verir ki, İngiltərədəki Bath Universitetinin tədqiqatçıları Mərakeşin Xuribqa şəhərində mədəndə tapdıqları skelet qalıqlarını araşdırıblar.
Tədqiqatçılar qalıqların təxminən 8 metr uzunluğunda, “qorxulu üz və bıçaq kimi dişləri” olan mosasaur ailəsindən yeni bir növə aid olduğunu müəyyən ediblər, bu dəniz kərtənkələsi Atlantik okeanında Mərakeş sahillərində qida zəncirinin ən yaxşı yırtıcılarından biridir.
Qalıqları tapılan dəniz kərtənkələsinin təxminən 66 milyon il əvvəl Tyrannosaurus rex (T-rex) kimi dinozavrlarla eyni dövrdə yaşamış ola biləcəyini qeyd edən tədqiqatçılar iti dişlərinə görə bu mozazavr növünü “khinjaria acuta” adlandırıblar.
Alimlər bu adı ərəbcə “xəncər” mənasını verən “xincar” və latınca “kəskin” mənasını verən “acuta” sözlərini birləşdirərək yaratmışlar.
Mozazavrların dinozavrlar dövründə Antarktidada yaşamış və nəsli kəsilmiş iri dəniz sürünənləri olduğu bildirilir.
Araşdırmanın nəticəsi “Science Direct” saytında dərc olunub.
Şayəstə Hüseynova