Prezident İlham Əliyev: “Bu gün Yeni Azərbaycan Partiyasının qarşısında rəqib yoxdur.”
Geopolitik konsepsiyanın görkəmli nümayəndələrindən olan Fridrix Ratsel “Siyasi coğrafiya” əsərində yazır ki, “Dövlət canlı orqanizm kimidir, o yaranır, böyüyür, inkişaf edir, tənəzzülə uğrayır və ölür. Təbii olaraq o yaşamaq üçün özünün qidalandığı resursları əldə etməkdən ötrü başqa canlı orqanizmlə qarşıdurmaya gedir” və onu qidalandıran həyati məkan torpaq mənasını daşıyır. Tarix insanların torpağa olan münasibətlərindəki niyyətləri ilə müəyyənləşir. O tarixin məntiqi davamı olaraq hər bir dövlətin tarix səhnəsində yarı qanlı, yarı şanlı səhifələr açılır. Geosiyasi məkan, əlverişli coğrafi şərait, zəngin tarixi keçmişimiz, milli-mənəvi dəyərlərimiz, maddi nemətlərimiz, təbii resurslar, qara qızıl, ağ qızıl və əbədi, yenilməz müstəqilliyimiz bizim şanlı səhifələrimizdi.
XX əsrin əvvələrində isə “Azərbaycan” adlı böyük tariximizin qanlı səhifələrini vərəqlədik sanki… İqtisadi gerilik, sosial mühit, maddi böhran, mənəvi pozğunluq, üzdən iraq qüvvələrin qeyri-konstruktiv mövqeyi və taleyüklü problemlərin geniş vüsət aldığı bu zaman kəsiyi ölkədə siyasi konturları, inkişaf hədəfləri bilinməyən siyasi partiyaların yaranmasını şərtləndirdi. Lakin xalqın arzu, istəkləri və zamanın tələbi Azərbaycanı işıqlı gələcəyə aparan, ölkəmizin siyasi xəritəsində özünəməxsus mozaikasını cıza bilən Yeni Azərbaycan Partiyasının yaranmasını zəruri edirdi. Zərurətdən yaranan bu siyasi partiya dahi şəxsiyyət, fenomeanl yaddaş və geniş eridusiya sahibi Ümummilli liderimiz Heydər Əliyevin sayəsində müstəqilliyə qovuşmaqda olan Azərbaycanda hüquqi dövlət quruculuğu, sosialyönümlü iqtisadiyyat və vətəndaş cəmiyyəti qurulması ideyalarına əsaslanan sağmərkəzli siyasi partiyanın yaranması dövlətçilik tarixində yeni bir səhifə açdı.
70 illik Sovet rejiminin və Kommunist Partiyasının süqutundan sonra müstəqil ölkə kimi Azərbaycanın da öz inkişaf istiqamətlərini müəyyənləşdirmək zərurəti yaranmışdı. XX əsrin 90-cı illərinin əvvəllərində xaos və anarxiyanın cərəyan etdiyi bir dövrdə xalqını və dövlətini düşmüş olduğu siyasi vəziyyətdən çıxarmaq zamanın ən böyük tələbi idi. Buna baxmayaraq hətta 1988-ci ildən Azərbaycanda siyasi partiyaların və təşkilatların yaranması simptomları artıq nəzərə çarpırdı. Lakin yaranan partiya və qurumlar Azərbaycandakı mövcud olan ictimai-siyasi vəziyyətin həlli istiqamətinə çalışmaq əvəzinə özlərinin siyasi hakimiyyət elitasını qurmağa çalışırdı. Hansı ki, mövcud durum ölkənin təhlükəsizliyinin təmin olunmasını, xalqın rifahının yüksəlməsini, güclənməkdə olan erməni təcavüzünün qarşısının alınmasını tələb edirdi.
Məhz belə bir vaxtda 91 nəfər Azərbaycan ziyalısının imzası ilə Naxçıvana, Heydər Əliyevə müraciət göndərildi. Azərbaycanın ən yeni tarixinə “91-lər”in müraciəti kimi daxil olmuş həmin sənəd əslində, bütün xalqın arzu və istəklərinin ifadəsi idi. Azərbaycanın görkəmli ziyalıları, tanınmış insanları və nüfuzlu şəxsiyyətlərinin imzaladıqları bu müraciətdə Heydər Əliyevdən yeni yaradılacaq siyasi partiyaya rəhbərlik etmək xahiş olunurdu. Bunula belə, o dövrdə hakimiyyətdə olan insanların yaratdığı maneələr ucbatından yaranacaq siyasi partiyanı paytaxt Bakıda təsis etmək mümkün olmadı. Ulu öndərin Bakıya gəlişi hakimiyyət dairələri tərəfindən əngəlləndi. Amma bu vasitələrlə, maneələrlə insanların inamını qırmaq, onları yollarından döndərmək mümkün deyildi. Təşəbbüs qrupunun bir hissəsi – 550 nəfərdən ibarət nümayəndə heyəti Naxçıvana gedərək partiyanın təsis konfransını keçirdilər. Azərbaycanda yeni bir siyasi tarixin əsasını qoyan 1992-ci ilin 21 noyabrında keçirilən təsis konfransının sədri ulu öndər Heydər Əliyev idi. Yeni Azərbaycan Partiyasının yaradılması haqqında qərar, partiyanın Proqram və Nizamnaməsi həmin konfransda qəbul edildi. Yekdilliklə partiyanın sədri seçilən ümummilli lider müstəqil Azərbaycan tarixinin gələcək siyasi inkişaf tendensiyasının əsasını qoydu. Bu gün nəinki bölgədə, hətta dünyada özündən söz etdirməyi bacaran, fəaliyyətində yeni siyasi texnologiyalardan istifadə edən, ətrafında yarım milyondan artıq üzvü birləşdirən Yeni Azərbaycan Partiyası dövlətin siyasi institutlarının inkişafında böyük və tarixi missiyanın öhdəsindən bacarıqla gəldi.
22-ci ilini yaşadığımız “21 Noyabr” Azərbaycan xalqının və dövlətinin həyatında unudulmaz bir şanlı tarixdir. Yaşı dövlət müstəqilliyimizin tarixi ilə səsləşən partiyamız ildən-ilə öz perspektiv imkanlarını genişləndirir. Böyük ziyalı ordusu, dövlət xadimləri, respublikanın fəal və aparıcı gənclərinin üstünlük təşkil etdiyi Yeni Azərbaycan Partiyası zamanın axarına adaptasiya olunaraq iqtidar stasusunu daşıyır və partiya Nizamnaməsinin müstəqilliyimizin qorunması, möhkəmləndirilməsi, hüquqi dövlət quruculuğu, vətəndaş cəmiyyətinin yaranması, insanların hüquq və azadlıqlarının qorunması, onların sosial rifahının yüksəlməsi, təhlükəsizliyin təmin olunması, Azərbaycanın beynəlxalq münasibətlər sistemində layiqli yer tutması, qloballaşan dünyaya inteqrasiyası və ərazi bütövlüyümüzün bərpasına istiqamətlənən hədəfləri ən ali məqsədidir.
Ölkənin ictimai-siyasi həyatında analoqu olmayan inkişafa imza atan Yeni Azərbaycan Partiyasının xarici siyasət arenasında əsas prioritetləri dövlətimizin və xalqımızın mənafeyinin müdafiə olunması, strateji maraqlarımızın və təhlükəsizliyimizin qorunması, milli-mənəvi dəyərlərimizin təbliği və ərazi bütövlüyümüzün təmin edilməsindən, dünyanın siyasi-hüquqi müstəvisində Azərbaycanın özünəməxsus inkişaf modelini yaratmaqdan ibarətdir.
Dünya ölkələrinin nüfuzlu siyasi partiyaları və demokratik təsisatları ilə qarşılıqlı əməkdaşlıq çərçivəsində Yeni Azərbaycan Partiyası MDB-yə üzv olan ölkələrin, Avropa və Asiyanın, qardaş Türkiyənin bir sıra siyasi partiyaları ilə hər zaman qarşılıqlı təcrübə mübadilələri aparır. Avroatlantik məkana inteqrasiya edən partiyamız Avropa Şurası, Avropa Birliyi, BMT, ATƏT, NATO, MDB, İslam Konfransı Təşkilatı, Türkdilli Dövlətlər Birliyi və digər beynəlxalq və regioanl təşkilatlarla fəal və səmərəli əməkdaşlığını davam etdirir.
Xarici siyasi fəaliyyətində dinamik inkişaf, sosial tərəqqi, sülhün təmin olunması, mütərəqqi ideyaların inkişafı, demoktratik prinsiplərin qorunmasına çalışan partiyamızın uğurları danılmazdı.
Bu gün dünyanın ikili baxışlar sisteminin cərəyan etdiyi bir dövrdə zaman və məkan meyarından asılı olmayaraq siyasi palitrasında özünəməxsus inkişaf xarakterli baxış bucağını müəyyənləşdirmiş, möhtəşəm uğurlu gələcəyimizə hesablanmış siyasət yürüdür.
Bu gün partiyamız həm keyfiyyət, həm də kəmiyyət baxımından öz siyasi idarəetmə mexanizmini gücləndirməkdədir. Partiya sıralarının say tərkibinin gündən-günə artması ona olan sadiqlik prinsipinin indikatorudur. İstər bələdiyyə, istər parlament seçkilərində partiya təmsilçilərinin inamlı qələbəsi onun cəmiyyətdə artan reputasiyasının bariz nümunəsidir.
Partiyamız ən böyük uğuruna isə Prezident seçkilərində imza atdı.
Əsası Ümummilli liderimiz Heydər Əliyev tərəfindən qoyulan müstəqil dövlət və dövlətçilik məfkurəsi partiyamızın timsalında yeni dönəmdə onun layiqli davamçısı, “balanslaşdırılmış” siyasi fəaliyyəti ilə bütün dünyada öz sözünü deyən praqmatik siyasi lider ölkə Prezidenti cənab İlham Əliyev tərəfindən uğurla davam etdirilir.
Partiyamızın möhtəşəm uğurları sırasında Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı, YAP İdarə Heyətinin üzvü Mehriban xanım Əliyevanın xidməti fəaliyyəti inkaredilməzdi. Xanım Əliyeva Azərbaycan dövlətini və xalqını dünyada tanıtmaq üçün dünyamiqyaslı nəhəng layihələrin həyata keçirilməsində ciddi uğurlara imza atır, xarici arenada Azərbaycan tarixini, mədəniyyətini, incəsənətini təbliğ edir. Qafqazın ən böyük qeyri-hökumət təşkilatı olan Heydər Əliyev Fondunun və onun prezidenti Mehriban Əliyeva, eləcə də Fondun vitse-prezidenti Leyla Əliyevanın sayəsində ölkəmiz layiqincə təmsil olunur.
İstər siyasi mənzərəsi, istərsə də daxili atmosferi dövlətçilik, humanizm, xeyriyyə, vətəndaşlıq, etibarlılıq, sivil dəyərlərin qorunması prinsiplərinə söykənən Azərbaycan Respublikası həm də dünyada multikultural dəyərlərə, tolerantlıq ənənlərinə sadiq olan bir ölkədir.
Beynəlxalq konfranslara, yarışlara ev sahibliyi edən ölkəmizin hər bir uğuru bura gələn turistlərin, əcnəbi qonaqların diqqətini cəlb edir.
Təməl prinsipləri mütərəqqi ideyalara söykənən partiyamızın 1992-ci il noyabrın 21-də Naxçıvan Muxtar Respublikasında təsisat konfransından sonra ilk rayon təşkilatı 1993-cü ilin yanvar ayının 12-də məhz Qəhrəmanlar diyarı- Biləsuvarımızda yarandı. Bütün regionlarda olduğu kimi bizim rayonda da partiyamızın ilk özəkləri var. Partiya ətrafında insanlarımız durmadan birlik nümayiş etdirir, yalnız bu partiyanı xalqın inam yolu, uğur yolu kimi qiymətləndirirlər. Uğurlu və gələcəyə hesablanmış siyasət nəticəsində Regionların sosial-iqtisadi inkişafı proqramına əsasən Biləsuvarımız da gündən-günə gözəlləşir, gözoxşayan abadlıq-quruculuq işləri davam etdirlir. 2013-cü ildə Azərbaycanın “Gənclər paytaxtı” seçilmiş Biləsuvarda gənclərə və qadınlara göstərilən diqqət və qayğının nəticəsində, həyata keçirilən uğurlu gənclər siyasəti, qadın həmrəyliyi və qadın siyasəti Yeni Azərbaycan Partiyasının uğurlarına əyani sübutdur. YAP rayon Təşkilatı Qadınlar Şurasının işinə diqqətin artırılması, onun müasir tələblərə cavab verən səviyyədə fəaliyyət göstərməsi üçün bütün lazımi tədbirlər görülür. Qeyd edim ki, YAP Qadınlar Şurası rayonumuzun ictimai-siyasi həyatında fəal iştirakı ilə seçilir. ötən müddətdə qazanılan uğur və nailiyyətlərlə yanaşı bu partiya həyatında mövcud olan demokratik ab-hava, fikir azadlığı hər zaman cəmiyyət tərəfindən müsbət qarşılanıb.
Bu gün bütün guşələri nura çevrilən müstəqil Azərbaycanımızı alternativi olmayan uğurlu inkişafa aparan bu yolda hər bir Azərbaycan vətəndaşı Yeni Azərbaycan Partiyasının sədri cənab Prezident İlham Əliyevin siyasi kursunu dəstəkləyir və böyük əzmlə xalqın, vətənin, dövlətin mənafeyi naminə səy göstərirlər.
Partiyamız dünənin, bu günün və gələcəyin partiyasıdır.
Dünənin bünövrəsi, sabahın empirik siyasəti partiya silahdaşlarına və hər bir vətəndaşa onu deməyə əsas verir ki, BU GÜN xoşbəxtik!!!
Ləman YÜZBAŞOVA,
YAP Biləsuvar rayon təşkilatı
Qadınlar Şurasının sədri