Danimarka hüquq-mühafizə orqanları terror aktları hazırlayan və HƏMAS-la əlaqəli olan 7 şübhəlini saxlayıb. Elchi.az xəbər verir ki, bu barədə İsrailin baş naziri Binyamin Netanyahunun ofisinin rəsmi saytında dərc edilmiş bəyanatda deyilir.
İsrail kəşfiyyat xidməti Mossad və Baş Xidmətin adından verilən press-relizdə deyilir: “Sürətli və hərtərəfli araşdırmadan sonra Danimarkanın təhlükəsizlik və hüquq-mühafizə orqanları terror təşkilatı HƏMAS adından fəaliyyət göstərən 7 terrorçunu həbs edib.
Sənəddə qeyd edilir ki, saxlanılan terrorçular mülki şəxslərə hücum hazırlayırmış. İsrail hüquq-mühafizə orqanları danimarkalı həmkarlarına “bugünkü həbslər və HƏMAS infrastrukturunun Avropaya sızmasının ifşası ilə nəticələnən uğurlu əks-terror əməliyyatına” görə təşəkkür ediblər.
Havar Şəfiyeva
Son şərhlər