Gürcüstanın keçmiş prezidenti Mixail Saakaşvili 2007-ci ildə nümayişin dağıdılması ilə bağlı Tbilisi şəhər məhkəməsinin iclasında videoçəkilişlə iştirak edib.
Elchi.az RBC.com-a istinadən xəbər verir ki, bu barədə “Mtavari” telekanalı məlumat yayıb.
İclasda Saakaşvili parlamentin sədri Şalva Papuaşvilini onu tükənmiş vəziyyətə salmaqda ittiham edib: “Parlamentin sədri, məni bu vəziyyətə gətirdiyiniz üçün üzr istəməlisiz. Məni bu vəziyyətə gətirdiniz, deputatlardan, məndən, ailəmdən üzr istəməlisiz”, -deyə Saakaşvili bildirib.
Saakaşvili fiziki vəziyyətini göstərmək üçün köynəyini qaldırıb. Əlavə edib ki, o, fiziki cəhətdən zəifdir, lakin daxilən çox güclüdür.
Qeyd edək ki, mart ayında Gürcüstanın keçmiş prezidenti “Bild” qəzetinə verdiyi müsahibədə çəkisinin yarısını itirdiyini bildirmişdi. Onun sözlərinə görə, Kiyevdən gedəndə onun çəkisi 120 kq idi, indi isə 65 kq-dır. O, həmçinin bütün bədəndə ağrılardan şikayətlənib və əlavə edib ki, MRT nəticələrində beyin zədəsi var: “Mən tamamilə yataq xəstəsiyəm, tez-tez huşumu itirirəm. Çoxları mənim hələ də sağ qalmağıma təəccüblənir”, -deyə Saakaşvili bildirib.
Aprelin 7-də o, siyasi məhbus kimi həbsxana kamerasında yaşamaq üçün mübarizə apardığını açıqladı. Məhkəmə fevral və mart aylarında siyasətçini azadlığa buraxmaqdan imtina edib.
Yeganə
Son şərhlər