Covid-19 virusunun beyin hüceyrələri ilə birləşə biləcəyi sübut edilib

Avstraliyalı alimlər sübut ediblər ki, Covid-19 virusu beyin toxumasına uyğunlaşır və nəticədə xroniki sinir sistemi xəstəlikləri ilə nəticələnən neyrobioloji simptomlar yaradır. Elchi.az "Drug Target Review" saytına istinadən xəbər verir ki,  Avstraliyanın Kvinslend Universitetinin tədqiqatçıları sübut ediblər ki, Covid-19 virusu sintez yolu ilə beyindəki neyronların və qlia hüceyrələrinin membranlarından keçə bilir. Virusun birləşmə yolu ilə neyronların və qlia hüceyrələrinin membranlarından keçə və hüceyrələrarası bağlar qura bildiyi müşahidə edilmişdir. Tədqiqatçılardan biri Martinez-Marmol bildirib ki, ədəbiyyatda ümumi konsensus belədir ki, virus beyinə daxil olduqda iki ehtimal var: ya hüceyrə ölümü baş verir, ya da infeksiya baş verə bilər. “Lakin biz üçüncü ehtimalı sübut etdik. ... Bu, sinir sintezidir." Tədqiqatçılar deyirlər ki, Covid-19-un davranışını anlamaq İİV, quduzluq, qızılca, Zika virusu və sinir sisteminə hücum edən digər virusların nevropatologiyasını və fəaliyyətini başa düşmək yolunda mühüm addımdır. Nuranə Məmmədova