Çin Yaponiyanı bəyanatları və davranışları ilə regionda qarşıdurmanın yaranmasına töhfə verən Şimali Atlantika Alyansı ilə qarşılıqlı əlaqədə olmamaq barədə xəbərdarlıq edir. Elchi.az xəbər verir ki, bu barədə Çinin Tokiodakı səfirliyinin saytında dərc edilmiş bəyanatda deyilir.
“Ümid edirik ki, Yaponiya tərəfi tarixin dərslərini nəzərə alacaq, dinc inkişaf yolunu ciddi şəkildə davam etdirəcək və region ölkələri arasında qarşılıqlı etimadı sarsıdan addımlar atmayacaq”, – deyə məktubda bildirilir.
Diplomatik missiya xatırladıb ki, alyans Asiya-Sakit Okean regionunun işlərinə qarışmağa və orada qarşıdurmaya gətirib çıxarmağa cəhdlər edir. Səfirlik qeyd edib ki, bu yaxınlarda Vilnüsdə keçirilən sammitdə NATO Çinlə bağlı məsələlərdə gərginliyi yenidən artırıb. Çin tərəfi bununla bağlı narahatlığını ifadə edib.
Diplomatik nümayəndəlik bildirib ki, blok beynəlxalq hüquq normalarına əməl etmir, ayrı-ayrı dövlətlərin daxili siyasətinə müdaxilə edir.
Qeyd edək ki, iyulun əvvəlində Honq-Konqda yerləşən “South China Morning Post” yazıb ki, Çinin yüksəlişi fonunda NATO-nun Şərqdə mövqelərini gücləndirmək səyləri Asiya-Sakit okean regionu ölkələri tərəfindən dəstəklənir. Analitiklərin fikrincə, biz qısamüddətli perspektivdə Rusiya və Çin arasında hərbi-strateji tərəfdaşlıq qurmaqdan qorxan Qərb və Şərqi Asiya ölkələri arasında yaxınlaşma gözləməliyik.
Havar Şəfiyeva
Son şərhlər