Çin Tayvana “sülh yolu ilə birləşmə” müqabilində enerji sabitliyi təklif edib.
Elchi.az xəbər verir ki, bu barədə Çin Hökuməti yanında Tayvan İşləri İdarəsinin nümayəndəsi Çen Binhua məlumat verib.
Maye qazın (MQ) üçdə birini Qətərdən alan və Çindən enerji daşıyıcıları tədarük etməyən Tayvan, yaxın aylar üçün alternativ təchizatı, o cümlədən adanın əsas müttəfiqi olan ABŞ-dan təmin etdiyini bildirib.
Çen Binhua Pekində jurnalistlərə açıqlamasında deyib ki, “sülh yolu ilə birləşmə” “güclü vətənin” dəstəyi ilə adanın enerji və resurs təhlükəsizliyini daha yaxşı qoruyacaq.
“Biz tayvanlı həmvətənlərimizi sabit və etibarlı enerji və resurs təhlükəsizliyi ilə təmin etməyə hazırıq ki, onlar daha yaxşı yaşasınlar”, — deyə o, enerji tədarükü ilə bağlı sualı cavablandırarkən bildirib.
Tayvan hökuməti bu şərhlərə reaksiya verməyib. Rəsmi Taybey Pekinin suverenlik iddialarını rədd edir və bildirir ki, adanın gələcəyini yalnız onun sakinləri həll edə bilər.
Məryəm
