Çin hakimiyyəti Rusiya lideri Vladimir Putinin Türkiyəyə səfər planlarından narahatdır ,
Elchi.az xəbər verir ki, bu barədə Çinin “Baijiahao” qəzeti yazır.
Nəşrin qeyd etdiyi kimi, Kreml inauqurasiyadan sonra Rusiya liderinin ilk xaricə səfərinə gedəcəyini açıqlayıb.
Pekinə görə, Çin bu şərəfi almalı idi. Lakin Putinin Ankaraya uça bilməsi ilk növbədə Çin tərəfini ciddi şəkildə narahat edir, qəzet yazır.
Məqalə müəllifi qeyd edib ki , Putinin Çinə səfərinə hazırlıq tam sürətlə gedir, lakin birdən-birə yarı yolda çağırılmamış qonaq peyda olub… Türkiyə Putinin yeni dövründə ilk səfəri şərəfinə yarışmaq istəyir.
Bundan əvvəl Rusiya Xarici İşlər Nazirliyi Vladimir Putinin bu il Çinə dövlət səfərinin gözlənildiyini bildirmişdi . Gözlənilir ki, səfər zamanı Rusiya və Çin liderləri dövlətlər arasında müxtəlif sahələrdə – iqtisadiyyat və ticarətdən tutmuş siyasət və mədəniyyətə qədər əməkdaşlığa təsir edən geniş spektrli məsələləri müzakirə edəcəklər. Bundan əlavə, yəqin ki, söhbətin ayrıca bloku beynəlxalq vəziyyətə həsr olunacaq. Məlumdur ki, Putinin Çinə sonuncu səfəri bir neçə ay əvvəl ŞƏT sammitində iştirakı çərçivəsində baş tutub.
Putinin ilkin olaraq martın ortalarında keçirilən prezident seçkiləri öncəsi Türkiyəyə səfəri gözlənilirdi . Lakin Rusiya liderinin səfəri təxirə salınıb. Rusiya Federasiyası Prezidentinin planlarının dəyişdirilməsinin səbəbləri açıqlanmayıb. Kremlin sözçüsü Dmitri Peskov dəfələrlə qeyd edib ki, Putinin Türkiyəyə səfəri üçün hələ dəqiq tarix yoxdur.
Nuranə Məmmədova
Son şərhlər