Alimlər dünyada məlum olan çiçəkli bitkilərin 45 faizinin nəsli kəsilmək təhlükəsi ilə üz-üzə olduğunu bildiriblər. Tədqiqatçılar izah ediblər ki, bir çox bitki hələ məlum deyil, lakin bu növlərin çoxu artıq nəsli kəsilmək təhlükəsi altındadır.
Elchi.az xəbər verir ki, elmi araşdırmalar daha bir təəccüblü mənzərəni üzə çıxarıb. Müvafiq olaraq, dünyada məlum olan çiçəkli bitkilərin 45 faizinin nəsli kəsilmək təhlükəsi var.
BBC-nin məlumatına görə, dünyanın ən böyük botanika və göbələk bağı olan Londondakı Kral Nəbatat Bağlarında (Kew Gardens) 30 ölkədən 200 alim tədqiqat aparıb.
Alimlər müəyyən ediblər ki, məlum çiçəkli bitkilərin, o cümlədən səhləblər, ananas növləri və bir çox taxıl növlərinin 45 faizi iqlim dəyişikliyi və biomüxtəlifliyin azalması səbəbindən nəsli kəsilmək təhlükəsi ilə üzləşib.
2020-ci ildən bəri kəşf edilən 19 min bitki və göbələk növünü araşdıran tədqiqatçılar, bu növlərin 77 faizinin nəsli kəsilmək təhlükəsi ilə üz-üzə olduğunu müəyyən ediblər.
Tədqiqatçılardan biri olan Dr. “Dərmanlarımızın 10-dan 9-nun bitkilərdən gəldiyini nəzərə alsaq, gələcək dərmanlarımızın yarısını itirmək riski ilə üzləşirik” Matilda Braun dedi.
Şayəstə Hüseynova
Son şərhlər