Cənubi Koreya hökuməti ABŞ prezidenti Donald Trampın Seul ilə birgə hərbi təlimlərin azaldılması barədə göstərişindən sonra Vaşinqtonla sıx məsləhətləşmələr apardığını bildirib.
Elchi.az Yonhap-a istinadən xəbər verir ki, Cənubi Koreyanın Milli Təhlükəsizlik Müşaviri Vi Sunq-lak Trampın ölkə ilə birgə hərbi təlimlərin əhəmiyyətli dərəcədə azaldılması barədə göstərişi ilə bağlı mətbuata açıqlama verib.
Vi bildirib ki, Cənubi Koreya ilə ABŞ arasındakı güclü ittifaqa əsaslanan birgə hərbi təlimlərlə bağlı ABŞ tərəfi ilə “sıx məsləhətləşmələr” aparırlar və bunun gələcəkdə də davam edəcəyini bildirib.
Vi həmçinin qeyd edib ki, Seul administrasiyası Hörmüz boğazında naviqasiya azadlığının təmin edilməsinə və nüvə silahlarının yayılmasının qarşısının alınmasına yönəlmiş beynəlxalq danışıqlarda əvvəldən fəal iştirak edib.
16 avqustda ABŞ prezidenti Tramp həm yüksək xərclərə, həm də Şimali Koreya lideri Kim Çen Inla yaxşı münasibətlərinə istinad edərək Cənubi Koreya ilə birgə hərbi təlimlərin “əhəmiyyətli dərəcədə” azaldılmasını əmr etdiyini açıqlayıb.
Məryəm
