Rəşt-Qəzvin-Ənzəli-Astara dəmir yolunun artıq 85 faizi tikilib
Rəşt-Qəzvin-Ənzəli-Astara dəmir yolunun artıq 85 faizi tikilib.
ANS TV-nin məlumatına görə, bu dəmir yolunun uzunluğu 364 kilometrdir və illik 9 milyon ton yükdaşıma qabiliyyəti var. Gələn il bu xəttin Azərbaycanın dəmir yolu xəttinə birləşdirilməsi nəzərdə tutulub.
Əslində bu dəmir yolunu Gilanın vizit kartı da saymaq olar. Rəşt-Qəzvin-Ənzəli- Astara dəmir yolu hətti İranı, Azərbaycanı və Rusiyanı birləşdirəcək. Dəmir yolunun tikinti icraçı mühəndisi Fərhad Kafi yolun əsas əhəmiyyətinin tranzit məqsədli olduğunu dedi.
Dəmir yolun tikintisini 6 İran şirkəti tərəfindən müxtəlif hissələrdə başlayıb. Yolun tikintisinə 400 milyon dollar vəsait ayrılıb. Ondan müəyyən hissə Şahrud körpüsünün inşasına sərf olunacaq. Körpü vilayətin ən az yağış yağdığı rayonunda Rüdbarda inşa edilib və möhtəşəm görünüşü ilə diqqət çəkir. 16 əsas 38 yardımçı sütunu olan körpünün tikintisinə 35 min kub metr beton istifadə edilib.
Körpü “Şimal- Cənub” nəqliyyat dəhlizinin bir hissəsidir. Onun tikintisi Azərbaycan, Rusiya və İran tərəfindən aparılır. Bu dəhlizlə gələcəkdə 1520 milyona tona qədər yük daşınacaq.
Son şərhlər