Ekvatorial Sakit Okeanda suyun səth qatını qızdıran “El Nino” gələn qışda pik həddinə çata və meteoroloji müşahidələr tarixində ən intensiv hadisələrdən birinə çevrilə bilər. Elchi.az xəbər verir ki, bu barədə “The Washington Post” Milli Okean və Atmosfer Administrasiyasının klimatoloqlarının proqnozuna istinadən məlumat yayıb.
“El Nino”-nun kəskin şəkildə güclənməsi müxtəlif təbii fəlakətlərə, o cümlədən güclü meşə yanğınlarının, daşqınların, sürüşmələrin, quraqlıqların yaranmasına və bütün dünyada yeni anormal isti dalğalarına səbəb ola bilər. Mütəxəssislər təbiət hadisəsinin daha yüksək intensivliyinin əsas səbəblərindən biri kimi qlobal istiləşmənin sürətlənməsini və dünya okeanının orta temperaturunun yüksəlməsini qeyd ediblər. İndoneziya, Avstraliya, Afrika ölkələri, ABŞ və Peru da daxil olmaqla bəzi Latın Amerikası ölkələrinin sakinləri ekstremal hava şəraiti riski altındadırlar, ekspertlər xəbərdarlıq edib.
Havar Şəfiyeva