Latviyada həddindən artıq içki içdikləri üçün sakinlərə spirtli içkilərin satışını məhdudlaşdırmaq istəyiblər. Elchi.az xəbər verir ki, bu barədə Rubaltic.ru məlumat yayıb.
Psixiatriya və Narkologiya Mərkəzinin Narkoloji Yardım Xidmətinin rəhbəri Astrida Ştirnin sözlərinə görə, Latviyada alkoqol asılılığından müalicə alan xəstələrin sayı ildən-ilə artır.
Bildirilir ki, ölkənin Səhiyyə Nazirliyi əhaliyə spirtli içkilərin satışı ilə bağlı məhdudiyyətlərin tezliklə həyata keçirilməsinin tərəfdarıdır. Latviya Seymi alkoqollu məhsulların mövcudluğunun azaldılması ilə bağlı hazırlanmış qanun layihəsinə payızda baxacaq.
Alkoqollu içkiləri yalnız səhər saat ondan axşam səkkizə qədər, bazar günü isə yalnız günorta üçə qədər almaq mümkün olacaq. Yaşı 20-dən aşağı olan şəxslərə spirtli içkilərin satışı tamamilə qadağan ediləcək.
Daha əvvəl məlum olub ki, Rusiyada yaşayış binalarında yerləşən iaşə obyektlərində spirtli içkilərin satışına məhdudiyyətlər müzakirə olunur.
Havar Şəfiyeva
Son şərhlər