Asteroid hasilatı və kosmik zibillərin təmizlənməsi üçün hazırlanmış nəhəng şişmə “Tutma Çantası” həm elmi ictimaiyyətdə, həm də kosmik sənayedə böyük maraq doğurur. ABŞ-da yerləşən TransAstra şirkəti tərəfindən dizayn edilən bu sistem, kiçik qayalardan bina ölçülü meteoritlərə qədər müxtəlif obyektləri tutmağı hədəfləyir.
Elchi.az xəbər verir ki, asteroidlərdə çoxlu miqdarda qiymətli və ümumi metallar var. Yer kürəsindəki mədənçilik fəaliyyəti getdikcə bahalaşdıqca və ətraf mühitə zərərli hala gəldikcə, kosmosda bu resurslara çıxış şirkətlərə cəlbedici alternativ təklif edir.
TransAstra-nın şişmə çanta texnologiyası həm asteroidləri tutmaq, həm də artan kosmik zibilləri təmizləmək üçün istifadə edilə bilər.
Dörd mərhələli çətinlik: “Tap, tut, daşı, emal et”
TransAstra-nın təsisçisi və keçmiş Kaltex akademiki Joel Sercel, asteroid hasilatının “son dərəcə riskli və çətin bir iş” olduğunu bildirir. Sercelin sözlərinə görə, asteroid hasil etmək üçün əvvəlcə onu aşkar etmək, tutmaq, təhlükəsiz yerə daşımaq və sonra hasil etmək lazımdır:
“Bu sahələrdə inkişaf etmiş texnologiyalarımız var. 21 patentimiz var və hər ay yeniləri əlavə olunur.” Şirkət ötən il Beynəlxalq Kosmik Stansiyasında ilk Tutma Çantası sınağını keçirib. Bir metr diametrli prototip Falcon Nine raketi ilə Beynəlxalq Kosmik Stansiyaya göndərilib və mikroqravitasiya şəraitində uğurla yerləşdirilib.
Şayəstə
