Belçikanın paytaxtı Brüsseldə rus dilində göndərilən təhdid dolu elektron məktub rəsmiləri təşvişə salıb.
Elchi.az xəbər verir ki, Avropa İttifaqı (Aİ) Komissiyası martın 8-də Brüsseldə metro hücumunun planlaşdırıldığına dair rus dilində elektron məktub aldıqdan sonra polislə əlaqə saxlayıb.
E-poçt etibarlı mənbədən gəlməsə də, Brüssel Baş Prokurorluğu tərəfindən araşdırma başladılıb.
Belçika federal dəmir yolu polisi gecə saatlarında metroda yoxlamalar aparıb və patrulları gücləndirib.
Yüksək həyəcan vəziyyəti davam edir
Ölkənin yüksək tirajlı qəzetlərindən biri olan “Le Soir” elektron məktubda Brüssel metrosunun “Yser” və “Rogier” stansiyaları arasında hücumun həyata keçirilə biləcəyi ilə bağlı təhdidlərin olduğunu bildirib.
Qeyd olunub ki, elektron məktubda rus olduğunu bildirən şəxs birincisi fevralın 16-da, ikincisi isə martın 3-də Aİ Komissiyası ilə iki dəfə əlaqə saxlayıb. Martın 3-də e-poçtda “Xəbərdarlıq etmək istərdim ki, Aİ təcavüzkar siyasətini davam etdirərkən, Birlik ərazisində kütləvi terror aktları başlayacaq. Martın 8-də Brüsseldə Yser və Rogier arasında metro partladılacaq”. ifadələrdən istifadə edilmişdir.
Hələlik heç bir sübut olmasa da, səlahiyyətlilər yüksək hazırlıq vəziyyətindədirlər.
22 mart 2016-cı ildə Brüssel hava limanında və şəhərin mərkəzindəki Maalbeek metro stansiyasında törədilən partlayışlarda 32 nəfər ölüb, 340 nəfər yaralanıb.
Şayəstə
Son şərhlər