Ötən gün 83,15 dollara kimi bahalaşan Brent markalı neftin barel qiyməti günü 82,70 dollarla tamamlayıb. Brent markalı neftin bir barelinin qiyməti bu gün 09.31-ə bağlanış tarixi ilə müqayisədə 0,70 faiz azalaraq 82,12 dollar olub. Eyni dəqiqələrdə Qərbi Texas tipli (WTI) xam neftin bir bareli 76,63 dollardan alıcı tapıb.
Elchi.az xəbər verir ki, qiymətlərin aşağı düşməsi qlobal mərkəzi bankların faiz dərəcələrini daha da artırması ehtimalı ilə bağlı olub ki, bu da tələb narahatlığına səbəb olub.
ABŞ Federal Ehtiyat Sisteminin (FED) Açıq Bazar Komitəsi (FOMC) dünənki ilin son iclasında siyasət faizini 50 bənd artıraraq 4,25-4,50 faiz aralığına qaldıraraq, son 15 ilin ən yüksək səviyyəsini göstərib. FED-in dünənki faiz qərarından sonra gözlər Avropa və İngiltərə mərkəz banklarının bu gün keçiriləcək iclaslarından çıxacaq qərarlara çevrildi.
FED sədri Jerome Powell, Fed-in siyasət faizini 50 baz bənd artırmasının ardından təşkil etdiyi mətbuat konfransında inflyasiyanın azalmasına dair daha açıq dəlillər olması lazım olduğunu ifadə etdi.
FED-in qərarı və açıqlamaları dolların dəyərinin artacağı və bunun neft tələbinə mənfi təsir edəcəyi gözləntilərini artırdı.
Bildirilir ki, texniki olaraq Brent markalı neftin 82,26-82,35 dollar diapazonu müqavimət kimi, 82,04-81,91 dollar diapazonu isə dəstək kimi izlənilə bilər.
Şayəstə
Son şərhlər