Elchi.az xəbər verir ki, beynəlxalq bazarlarda Brent markalı neftin bir bareli 81,24 dollara satılır.
Ötən gün 84 dollara kimi bahalaşan Brent markalı neftin barel qiyməti günü 81,59 dollarla tamamlayıb. Brent markalı neftin bir barelinin qiyməti bu gün 09.33-ə bağlanışla müqayisədə 0,4 faiz azalaraq 81,24 dollar olub. Eyni dəqiqələrdə Qərbi Texas tipli (WTI) xam neftin bir bareli 75,18 dollardan alıcı tapıb.
ABŞ və Aİ-nin mərkəzi banklarının gözlənildiyindən daha güclü faiz siyasəti həyata keçirəcəyi və iqtisadi yavaşlamanın neft tələbini azaldacağı ilə bağlı narahatlıqlar qiymətlərin enməsində təsirli olub.
Bazarlar bu gün açıqlanacaq ABŞ məşğulluq hesabatındakı məlumatlara fokuslanarkən, hesabatda əkinçilik xarici məşğulluğun 205 min artacağı, işsizlik nisbətinin isə yüzdə 3,4 səviyyəsində sabit qalacağı gözlənilir.
FED sədri Jerome Powell, bankın 21-22 mart tarixlərində keçiriləcək iclası ilə bağlı heç bir qərar qəbul etmədiklərini, açıqlanacaq məlumatların təhlil ediləcəyini bildirib.
Pauell, bütün məlumatlar daha sürətli sərtləşdirmənin zəruri olduğunu göstərərsə, faiz artımının sürətini artırmağa hazır olduqlarını vurğuladı.
Təklif tərəfində isə Rusiyada hasilatın azaldılması məbləğinin elan ediləndən çox ola biləcəyi ilə bağlı gözləntilər qiymətlərin sürətli enişini tormozlayır.
Rusiya baş nazirinin müavini Aleksandr Novak ötən ay bəyan etmişdi ki, mart ayında neft hasilatını gündəlik 500 min barel azaldacaqlar.
Bununla belə, Rusiyanın mart ayında qərb limanlarından neft ixracını fevral ayı ilə müqayisədə 10 faizə qədər azaltmağı planlaşdırdığı xəbəri tədarüklə bağlı narahatlıqları artırıb və qiymətləri dəstəkləyib.
Vurğulanır ki, texniki baxımdan Brent markalı neftin 81,61-81,77 dollar diapazonu müqavimət, 81,05-80,89 dollar diapazonu isə dəstək zonası kimi qiymətləndirilə bilər.
Şayəstə
Son şərhlər