Braziliyada leysan yağışların səbəb olduğu daşqınlar nəticəsində həyatını itirənlərin sayı 21-ə yüksəlib.
Elchi.az bu barədə İHA-ya istinadən xəbər verir.
Braziliyanın cənubunda təsirli olan qasırğa özü ilə birlikdə yağış və külək də gətirib.
Rio Grande do Sul qubernatoru Eduardo Leite mətbuat konfransında əyalətdə ən ölümcül fəlakətin yaşandığını ifadə edərək, “Rio Qrande do Sul əyalətinin Muçul qəsəbəsində sel suları çəkildikcə daha 15 cəsəd tapıldı. Ölənlərin sayı 21-ə yüksəldi. Biz çox kədərlənirik”, – deyə o bildirib.
Bazar ertəsindən bəri təsirli olan qasırğa sel və torpaq sürüşməsinə səbəb olub, yüzlərlə insan evlərini tərk etmək məcburiyyətində qalıb.
Milli Fəlakətlərə Qarşı Mübarizə İdarəsinin rəisi Wolnei Barreiros bildirib ki, ümumilikdə 54 şəhəri vuran qasırğa birbaşa 20 mindən çox insana təsir edib.
Braziliya prezidenti Luiz İnasio Lula da Silva həmrəylik mesajı göndərərək hökumətin kömək etməyə hazır olduğunu açıqlayıb.
Nuranə Məmmədova
Son şərhlər