Avropa İttifaqı (Aİ) 2024-cü ildə Ukraynaya ümumi dəyəri 21 milyard avro olan hərbi yardımı köçürməyi planlaşdırır. Elchi.az TASS-a istinadən xəbər verir ki, bunu Avropa diplomatiyasının rəhbəri Xosep Borrell deyib.
Borrell Brüsseldə icmanın müdafiə nazirlərinin toplantısından sonra keçirilən mətbuat konfransında açıqlama verib. O, həmçinin bildirib ki, Avropa İttifaqının müdafiə departamentlərinin rəhbərləri yayın sonuna qədər 20 min ukraynalı hərbçiyə təlim keçmək barədə razılığa gəliblər. Ukrayna Silahlı Qüvvələrinin təlim keçmiş əsgərlərinin ümumi sayı 60 min nəfər olacaq.
Avropa diplomatiyasının rəhbəri Aİ-nin 2023-cü ilin fevralından 2024-cü ilin martına qədər Ukraynaya bir milyon artilleriya mərmisi tədarük etmək vədini yerinə yetirmədiyini də etiraf edib. “Mart ayına qədər daha 200,000-in təhvil verilməsini gözləyirəm ki, bu da ümumi sayının 530,000-ə çatmasını, hədəfin 50 faizindən bir qədər çoxunu təşkil edir” – deyə o bildirib.
Xatırladaq ki, Aİ-nin Ukraynaya əvvəlki tədarüklərini şərh edən Borrell bildirib ki, Rusiyaya xüsusi hərbi əməliyyat (SVO) başlayandan bəri assosiasiyaya üzv ölkələr ümumi dəyəri 28 milyard avro olan hərbi yardım edib.
Havar Şəfiyeva
Son şərhlər