Həftəsonundan bəri Boliviyaya təsir edən şiddətli yağışların yaratdığı daşqınlarda iyirmi nəfər həyatını itirib.
Elchi.az xəbər verir ki, Boliviyanın Mülki Müdafiə Nazirinin müavini Alfredo Troşe yerli mediaya açıqlamasında Santa Kruz şəhərində daşqın fəlakətinin baş verdiyini və Pirai çayının daşdığını bildirib.
Troşe daşqınlarda indiyə qədər 20 nəfərin həyatını itirdiyini və daha çox insanın itkin düşdüyünü bildirib.
Troşe axtarış-xilasetmə əməliyyatlarının fasiləsiz davam etdiyini və itkilərə görə “çox” kədərləndiklərini bildirib.
Bu arada, Boliviya Prezidenti Rodriqo Paz bölgədəki inkişafları yaxından izləmək üçün Hökumət Sarayında Böhran və Vəziyyət Otağının yaradıldığını açıqlayıb.
Paz daşqından zərər çəkmiş ərazilərdə milli fövqəladə vəziyyət elan etmək üçün işlərin davam etdiyini qeyd edib.
Paz El-Nino və La-Nino iqlim hadisələrinin təsirlərinin davam etdiyini bildirib və növbəti 3-5 ay ərzində güclü yağışların və ardınca quraqlığın baş verə biləcəyi barədə xəbərdarlıq edib. Yerli medianın məlumatına görə, itkilərin sayının artması ilə bağlı narahatlıqlar var və daşqınların vurduğu maddi ziyanın milyonlarla dollar olduğu təxmin edilir.
Şayəstə
