BMT-nin Baş katibi Quterreş “Qara Dəniz Taxıl Təşəbbüsü üçün BMT ilə koordinasiyada çalışaraq, Prezident Ərdoğana və Türkiyə hökumətinə göstərdikləri səylərə görə minnətdaram”,-deyib.
Elchi.az xəbər verir ki, Quterreş BMT-nin Nyu Yorkdakı qərargahında 60 gün daha uzadılan Qara Dəniz Taxıl Təşəbbüsü ilə bağlı jurnalistlərə açıqlama verib.
Təşəbbüsün iyulun 18-ə qədər uzadılmasını müsbət qarşıladığını bildirən Quterreş, “Təşəbbüsün davam etməsi dünya üçün yaxşı xəbərdir”,-deyib
Quterreş təşəbbüslə bağlı bəzi problemlərin davam etdiyini və Rusiya, Ukrayna, Türkiyə və BMT-nin bu məsələləri müzakirə etməyə davam edəcəyini bildirib.
Təşəbbüsü təkmilləşdirmək və genişləndirmək üçün hərtərəfli razılığa ümid etdiyini vurğulayan Quterreş danışıqların müsbət atmosferdə aparılmasına görə tərəflərə təşəkkür edib.
BMT-nin baş katibi Quterreş deyib: “Mən Prezident Ərdoğana və Türkiyə hökumətinə Qara Dəniz Taxıl Təşəbbüsü üçün BMT ilə koordinasiyada çalışdıqları üçün təşəkkür edirəm”.
Qara Dəniz Taxıl Təşəbbüsünün və BMT ilə Rusiya arasında imzalanan anlaşma memorandumunun əhəmiyyətinin çox açıq olduğuna diqqət çəkən Quterreş, “Bu razılaşmalar qlobal ərzaq təhlükəsizliyi baxımından əhəmiyyətlidir. Ukrayna və Rusiya məhsulları dünyanı qidalandırır. Qara dəniz sayəsində Dəniz Taxıl Təşəbbüsü ilə 30 milyon ton taxıl ixrac edildi”,-deyib.
Quterreş, dünyanın hər yerində yaşayışın baha olduğu bu dövrdə qidanın ona ən çox ehtiyacı olanlara çatmasının vacib olduğuna diqqət çəkib.
Təşəbbüs sayəsində bazarın daha stabil hala gəldiyini və qlobal ərzaq qiymətlərinin son bir ildə 20 faiz azaldığını ifadə edən Quterreş, “Təşəbbüs həm də onu göstərir ki, ən qaranlıq anda belə ümid işığı və fürsət var. Hər kəsə fayda verə bilən tapıla bilər”,- ifadələrdən istifadə etmişdir.
Nuranə Məmmədova
Son şərhlər