Böhran ticarətlə məşğul olan azərbaycanlılara təsir edib
Rusiyalı istehlakçıların alıcılıq qabiliyyəti son 5 ilin ən aşağı səviyyəsinə düşdü.
ANS TV-nin məlumatına görə, qiymətlərin bahalaşmasına baxmayaraq maaşların əvvəlki səviyyədə qalması əhalinin əksəriyyətini günlük xərcləmələrini azaltmaq məcburiyyətində qoydu. Alıcı tələbindəki azalma daha çox idxal məhsulların satışında özününü göstərir. Hətta yaxınlaşmaqda olan 14 fevral “Sevgililər Günü” belə çiçək tələbindəki azalmanın qarşısını ala bilmədi. Keçən ilə müqayisədə Rusiyaya çiçək idxalatı 70 faiz azaldı. Bu isə həmvətənlərimizi ciddi narahat edir.
Gül dükanının sahibi Məhəmməd Əliyev hər il 14 fevralda işlərinin yaxşı olduğunu və çoxlu gül sifariş etdiklərini desə də bu il hələ də bayrama hazırlaşmırlar. O bunun səbəbini hökumətin gündə yeni bir qərar çıxarması ilə əlaqələndirir. Sahibkar onları nə gözlədiyini belə bilmir. Belə davam etsə sahibkar öz vətəninə qayıdacağını və həyatına elə ordaca davam etmək istəyini deyib.
İqtisadi böhran həmvətənlərimizin rəğbətini qazanmış restoran biznesinə də təsirsiz ötüşmür. Müştəri qıtlığı səbəbindən son iki ayda Moskvadakı restoranların sayı 5 faizə yaxın azalıb. Ekspertlər isə il sonunadək hər 5 restorandan birinin bağlanacağını deyirlər.
Restoran müdiri Cəfər Salmanov restoranın Moskvanın ən yaxşı rayonlarından birində yerləşdyinə baxmayaraq böhranın 3-4 qat özünü göstərdiyini deyib. O belə getsə restoranı bağlayacağını deyir.
Xaricdə dincəlmək istəyən кus tursitlərin də sayı keçən illə müqayisədə yarı-yarıya azalıb. Rusların ən çox getdikləri ölkə sayılan Türkiyə isə bu bazarı itirməmək üçün xüsusi təşviй paketi hazırlayıb.
Türkiyə Otelçilər Birliyinin təmsilçisi İsmayil Taşdemir böhranın onдara təsiri olmasın deyə indidən tədbirlərini gördüklərini deyir. O tur operatorlarına uyğun faizlə kreditlərin verэcəyini vəd etdi.
Rusiyada keçirilən son ictimai rəy sorğusunun nəticələrinə görə, vətəndaşların 80 faizi artıq iqtisadi böhranı öz günlük həyatında hiss etməyə başlayıb. Rəyə qatılanların 51 faizi iqtisadi böhranın qiymət artışları və həyat şəraitinin pisləşməsi şəklində davam edəcəyindən qorxduğunu etiraf edərkən 41 faizi isə aylıq gəlirinin yarıdan çoxunu sadəcə qida məhsulları üçün xərcləndiyini deyib. Bütün gəlirini ancaq yeməyə xərcləyənlər isə xalqın 7 faizini təşkil edir.
ANS TV
